AI Subscription Plans: सध्या आर्टिफिशियल इंटेलिजन्स (Artificial Intelligence – AI) आपल्या दैनंदिन जीवनाचा एक महत्त्वाचा भाग बनत आहे. ईमेल लिहिण्यापासून ते कोड तयार करण्यापर्यंत, तसेच रिसर्च आणि व्हिडिओ निर्मितीसाठीही एआय टूल्सचा (AI Tools) वापर वाढला आहे.
भारतात एआयची स्पर्धा (AI Race) वाढत असताना, कंपन्यांनी विविध प्रकारच्या ग्राहकांसाठी आकर्षक सबस्क्रिप्शन प्लॅन (AI Subscription Plans) आणले आहेत.
OpenAI ने नुकताच भारतात 399 रुपये प्रति महिना किमतीचा ChatGPT Go हा सर्वात स्वस्त प्लॅन (ChatGPT Go Price in India) लाँच केला आहे. यामुळे भारतातील एआयची स्पर्धा आणखी तीव्र झाली आहे. सध्या बाजारात ChatGPT, Google चा Gemini, Elon Musk चा Grok आणि Perplexity AI सारखे अनेक पर्याय उपलब्ध आहेत.
AI Subscription Plans: ChatGPT चे प्लॅन
OpenAI ने भारतात 3 प्लॅन आणले आहेत.
- ChatGPT Go (399 रुपये/महिना): हा खास भारतासाठी तयार केलेला प्लॅन आहे. यात GPT-5 या सर्वात प्रगत एआय मॉडेलचा वापर करता येतो. यात फ्री प्लॅनच्या तुलनेत 10 पट जास्त मेसेजेस, इमेज जनरेशन, फाइल अपलोड आणि लांब मेमरीसारखे फीचर्स मिळतात. हा प्लॅन विद्यार्थी, फ्रीलांसर आणि पहिल्यांदा एआय वापरणाऱ्या लोकांसाठी योग्य आहे.
- ChatGPT Plus (1,999 रुपये/महिना): या प्लॅनमध्ये GPT-4o, सोरा (Sora) द्वारे व्हिडिओ निर्मिती, ॲप्ससह एकत्रीकरण आणि प्रगत रिसर्च टूल्स मिळतात.
- ChatGPT Pro (19,900 रुपये/महिना): हा प्लॅन व्यवसाय आणि डेव्हलपर्ससाठी आहे, ज्यात एंटरप्राइज-ग्रेड फीचर्स आणि नवीन टूल्सची प्राधान्याने उपलब्धता मिळते.
AI Subscription Plans: Google चा Gemini Pro
Google ने देखील आपला Gemini Pro प्लॅन 1,950 रुपये प्रति महिना (Gemini Pro Price in India) किमतीत लाँच केला आहे.
या प्लॅनमध्ये Gemini 2.5 Pro मॉडेलचा वापर करता येतो. याचे सर्वात मोठे वैशिष्ट्य म्हणजे ते Google ॲप्ससोबत एकत्रित काम करते. Gmail मध्ये ईमेल लिहिणे, Docs मध्ये सारांश तयार करणे आणि Meet मध्ये व्हिडिओ कॉल सुधारणे यांसारखी कामे यामुळे सोपी होतात. यासोबत 2 TB ची Google Drive स्टोरेजही मिळते.
AI Subscription Plans: Elon Musk चा Grok
एलॉन मस्कच्या xAI कंपनीने भारतात SuperGrok प्लॅन केवळ 700 रुपये प्रति महिना (Grok Price in India) किमतीत लाँच केला आहे. अमेरिकेत याची किंमत $30 आहे.
हा प्लॅन विद्यार्थी, कोडर्स आणि कंटेंट क्रिएटर्ससाठी आहे. यात Grok 3 आणि Grok 4 मॉडेलचा वापर करता येतो. याशिवाय, यात व्हिडिओ निर्मिती, व्हॉईस मोड आणि इमेज-एडिटिंगसारखे फीचर्सही उपलब्ध आहेत.
AI Subscription Plans: Perplexity Pro
Perplexity AI हे रिसर्च-आधारित एआय असिस्टंट म्हणून ओळखले जाते. याचा प्रो प्लॅन सुमारे 1,999 रुपये प्रति महिना (Perplexity Pro Price in India) आहे, परंतु एअरटेलच्या ग्राहकांना एअरटेल थँक्स ॲपद्वारे एक वर्षासाठी हा प्लॅन मोफत मिळतो.
यात GPT-5, Claude 4, Grok 4 आणि Gemini 2.5 Pro सारख्या अनेक एआय मॉडेल्सचा वापर करता येतो.
हे देखील वाचा –
