PM Viksit Bharat Rozgar Yojana Details in Marathi: भारतातील रोजगाराला (Employment) चालना देण्यासाठी आणि तरुणांना अधिकाधिक संधी देण्यासाठी केंद्र सरकारने (Central Government) एक महत्त्वाकांक्षी पाऊल टाकले आहे. (PM Viksit Bharat Rozgar Yojana Details in Marathi)
‘ पंतप्रधान विकसित भारत रोजगार योजना’ (Pradhan Mantri Viksit Bharat Rozgar Yojana) नावाचे नवे पोर्टल सुरू करण्यात आले आहे. या योजनेचा उद्देश 1 ऑगस्ट 2025 ते 31 जुलै 2027 या दोन वर्षांच्या कालावधीत देशभरात 3.5 कोटींहून (3.5 crore) अधिक नवीन नोकऱ्या (Jobs) निर्माण करणे आहे.
या योजनेचा लाभ नोकरी देणारे आणि पहिल्यांदा नोकरी करणाऱ्या अशा दोघांनाही मिळणार आहे.
कामगार आणि रोजगार मंत्री मनसुख एल. मांडविया यांनी पत्रकारांना सांगितले की, ही योजना 1 जुलै 2025 रोजी मंजूर झाली असून, याचे मुख्य उद्दिष्ट देशातील नवीन नोकरीनिर्मितीला प्रोत्साहन देणे आहे.
योजनेची पात्रता आणि लाभ (PM Viksit Bharat Rozgar Yojana Details in Marathi)
योजनेला ‘भाग अ’ आणि ‘भाग ब’ अशा दोन भागांमध्ये विभागले आहे.
- भाग अ: पहिल्यांदा नोकरी करणाऱ्यांसाठी
- या अंतर्गत, ज्या कर्मचाऱ्यांचे एकूण मासिक वेतन 1 लाख रुपये पर्यंत आहे, त्यांना योजनेचा लाभ मिळेल.
- पहिल्यांदा नोकरी करणाऱ्या कर्मचाऱ्याला एक महिन्याच्या सरासरी वेतनाइतके, म्हणजेच 15,000 रुपये पर्यंत, एक-वेळ प्रोत्साहनपर रक्कम दिली जाईल. ही रक्कम दोन हप्त्यांमध्ये दिली जाईल.
- भाग ब: नोकरी देणाऱ्या कंपन्यांसाठी
- हा भाग सर्व क्षेत्रातील कंपन्यांसाठी असून, उत्पादन क्षेत्रावर विशेष लक्ष केंद्रित केले आहे.
- या योजनेचा लाभ घेण्यासाठी, 50 पेक्षा कमी कर्मचारी असलेल्या कंपन्यांना किमान दोन नवीन कर्मचारी कामावर घेणे आवश्यक आहे, तर 50 पेक्षा जास्त कर्मचारी असलेल्या कंपन्यांना किमान पाच नवीन कर्मचारी कामावर घेणे बंधनकारक आहे.
- नोकरी देणाऱ्या कंपन्यांना प्रत्येक नवीन कर्मचाऱ्यासाठी (पहिल्यांदा नोकरी करणारा आणि पुन्हा रुजू होणारा) दरमहा 3,000 रुपये पर्यंत प्रोत्साहन रक्कम मिळेल. ही योजना दोन वर्षांसाठी आहे, पण उत्पादन क्षेत्रातील कंपन्यांसाठी ती चार वर्षांपर्यंत वाढवली जाऊ शकते.
योजनेतील प्रोत्साहन रक्कम
नोकरी देणाऱ्या कंपन्यांना त्यांच्या नवीन कर्मचाऱ्यांच्या वेतनानुसार तीन टप्प्यांमध्ये प्रोत्साहन रक्कम मिळेल:
- कर्मचाऱ्याचे वेतन 10,000 रुपये पर्यंत असल्यास – 1,000 रुपये प्रति महिना
- वेतन 10,000 रुपये ते 20,000 रुपये दरम्यान असल्यास – 2,000 रुपये प्रति महिना
- वेतन 30,000 रुपये पर्यंत असल्यास – 3,000 रुपये प्रति महिना
योजनेसाठी अर्ज कसा कराल? (PM Viksit Bharat Rozgar Yojana Details in Marathi)
योजनेचा लाभ घेण्यासाठी नोंदणी प्रक्रिया सोपी आणि डिजिटल आहे.
- कर्मचाऱ्यांसाठी: तुम्ही या योजनेच्या अधिकृत पोर्टल (pmviksitbharatrozgaryojana.com) वर किंवा UMANG ॲपवर तुमचा UAN (Universal Account Number) वापरून नोंदणी करू शकता.
- कंपन्यांसाठी: कंपन्यांनी Electronic Challan-cum-Return (ECR) भरून आणि UMANG ॲपवरील सुविधेचा वापर करून त्यांच्या सर्व विद्यमान आणि नवीन कर्मचाऱ्यांसाठी UANs उघडणे आवश्यक आहे.
या योजनेमुळे देशातील रोजगारनिर्मितीला निश्चितच चालना मिळेल आणि देशाच्या आर्थिक विकासालाही गती मिळेल अशी अपेक्षा आहे.
हे देखील वाचा –
